Verkefni: bæta umferðaröryggi gangandi við Löngulínu og Sjálandsskóla með lagningu göngustíga og upphækkaðri gangbraut yfir götu. Ásamt því að skoða aðgerðir til að minnka umferðaröngþveiti við skólann vegna skutls á morgnana.
Það er mikil umferð eftir Löngulínu og jafnvel umferðaröngþveiti á morgnana vegna skutls skólabarna. Það skortir alveg örugga leið fyrir gangandi frá Vífilstaðaveg sem og frá Strikinu að skólanum. Það er engin skýr afmörkuð gönguleið sem liggur í skólann úr þessari átt.
Ekki nógu öruggt eins og þetta er. Engar skýrar gönguleiðir meðfram né yfir götu.
Mjög mikil þörf á úrbætum þarna, ég geng þarna á hverjum degi á leið til vinnu og ekki annað hægt en að ganga út í vegkanti og bara síðast í gær rakst bíll utan í mig ...
Öryggi barnanna skiptir mestu máli.
Þessi hugmynd fellur ekki innan skilyrða lýðræðisverkefnisins Betri Garðabær og fer því ekki í kosningu. Margar hugmyndir sem féllu ekki innan skilyrða verkefnisins verða komið áfram til viðeigandi sviða innan sveitarfélagsins. Listi með öllum hugmyndum sem bárust í hugmyndasöfnun ásamt afstöðu matshóps við hverri hugmynd er að finna á vef Garðabæjar. Við þökkum þér kærlega fyrir þátttökuna í hugmyndasöfnun Betri Garðabæjar og vekjum um leið athygli á því að kosningahluti verkefnisins er farinn af stað og hvetjum við þig til að taka þátt. Kynntu þér kosningarnar nánar á vef Garðabæjar. Með kveðju, verkefnahópur Betri Garðabæjar.
This content is created by the open source Your Priorities citizen engagement platform designed by the non profit Citizens Foundation