Bæta strætósamgöngur innan Garðabæjar, sérstaklega fyrir yngra fólkið. Það vantar innanbæjarstrætó í Garðabæ sérstaklega yfir daginn, frá byrjun skóladags og að lokum skóladags. Þar sem leiðin myndi ganga framhjá öllum skólum, íþróttamiðstöðvum og skátaheimili. Í leiðinni auðveldar þetta fólki sem ekki er á bíl að fara í búðirnar sem þó eru í Garðabæ, banka, apótek of fleira.
Vegalengdir fyrir börn/unglinga og fleiri eru of langar frá einangraðri hverfum eins og Arnarnesi. Óskráð regla er um að fólk þurfi ekki að ganga nema 400 metra í næstu stoppistöð en á Arnarnesinu er það oftar en ekki um 700 metrar og fyrir barn og þá sérstaklega um vetur er það mjög erfitt. Endurheimta þarf stoppin uppi á Arnarnesi og bæta við fleirum í önnur hverfi. Börn ættu einnig að geta ferðast til vina á auðveldari hátt en með göngu/hjóli þegar um langar vegalengdir er að ræða.
Þessi hugmynd fellur ekki innan skilyrða lýðræðisverkefnisins Betri Garðabær og fer því ekki í kosningu. Margar hugmyndir sem féllu ekki innan skilyrða verkefnisins verða komið áfram til viðeigandi sviða innan sveitarfélagsins. Listi með öllum hugmyndum sem bárust í hugmyndasöfnun ásamt afstöðu matshóps við hverri hugmynd er að finna á vef Garðabæjar. Við þökkum þér kærlega fyrir þátttökuna í hugmyndasöfnun Betri Garðabæjar og vekjum um leið athygli á því að kosningahluti verkefnisins er farinn af stað og hvetjum við þig til að taka þátt. Kynntu þér kosningarnar nánar á vef Garðabæjar. Með kveðju, verkefnahópur Betri Garðabæjar.
This content is created by the open source Your Priorities citizen engagement platform designed by the non profit Citizens Foundation